'త్రిభువన విజయం' సాంస్కృతిక కార్యక్రమం - విశేషాలు

'భువన విజయం' అందరికీ తెలిసిన కార్యక్రమమే కదా..! రాయలవారు తమ ఆస్థానంలోని అష్ట దిగ్గజకవులతో కొలువుతీరి వారి కవితా మాధురీ మకరందాలను గ్రోలే సభాస్థలిని ఈ కాలం లో మన కళ్ళముందు ముందు నిలిపే సాంస్కృతిక కార్యక్రమమే 'భువనవిజయం'. పాత్రధారులు స్వయంగా కవిత్వంలో ప్రవేశాన్ని కలిగి ఉండి తాము ఎవరిపాత్రనైతే ధరించారో ఆ కవి వ్రాసిన కావ్యాలలో నుంచీ పద్యాలను మనకు వినిపిస్తారు.
అయితే ఈ కవితా గానం తో పాటు, హంపీ విజయనగర శిల్పకళా వైభవాన్ని కళ్ళకు కట్టే దృశ్య మాలికనూ, మరియు ఆ నాటి రాజకీయ సామాజిక స్థితిగతులను గురించి మహామంత్రి తిమ్మరుసు తో చేసిన ప్రశ్నోత్తర కార్యక్రమాన్ని కలుపుకొని ఈ కార్యక్రమం 'త్రి' భువన విజయమై విశాఖ ప్రేక్షకులను మైమరపింప జేసింది..!! ఆద్యంతమూ కార్యక్రమాన్ని వీక్షించి విశాఖ వాసులు తమ రసజ్ఞతను మరొక్కసారి చూపించారు.

1

2

3

4

5

పై ఫోటోలు వరుసగా..

1. ప్రేక్షకులు, ఆహ్వానితులమధ్యలో ప్రత్యేక అతిధి శ్రీకృష్ణ దేవరాయల వారసులలో పంతొమ్మిదవ తరానికి చెందిన రాజ వంశజుడు... వీరిపేరుకూడా కృష్ణ దేవరాయలే.ప్రస్తుతం బెంగళూరు లో వుంటున్నారు.
2. కృష్ణ దేవరాయల పాత్రధారి మేకప్ తో మరియు మేకప్ లేకుండా..
3. భువన విజయ సభాప్రాంగణం లో తమ అష్టదిగ్గజ కవులతో ఆసీనులవుతున్న శ్రీ కృష్ణ దేవరాయలు.
4. పాత్రలూ .. పాత్ర దారులూ..!!
   
5. శ్రీ కృష్ణ దేవరాయల వారితో నేను..