హైదరాబాదులో వినాయక చవితి ఎంత కోలాహలం గా చేస్తారో మనకి తెలియంది కాదు. చూడముచ్చటైన గణేశ ప్రతిమలు రోడ్డుప్రక్కన ఉన్నచిన్నచిన్నగుడిశలలోని కళాకారుల చేతిలో ప్రాణం పోసుకుంటాయి. ఇక్కడి నుంచి విగ్రహాలు ఇతర ప్రాంతాలకి కూడా ఎగుమతి అవుతాయి. రేపు జరగబోయే గణపతి నవరాత్రి మహోత్సవాలకి కొలువుతీరడానికి సిద్ధంగా ఉన్న అలాంటి విగ్రహాలు తుదిమెరుగులు దిద్దుకొంటున్న తరుణంలో తీసిన ఫోటోలు ఇవి. (విశాఖపట్నం నుంచి తెలిసిన వాళ్ళు కొందరు హైదరాబాద్ వెళ్లి ఒక పదిహేడడుగుల భారీ విగ్రహం తెచ్చుకున్నారు. విగ్రహాల కోసం తిరుగుతూ నచ్చిన విగ్రహాల ఫోటోలు తీసారు. ఆ ఫోటోలు క్రింద చూడండి.
విఘ్నేశ్వరుడి విగ్రహ తయారీలో తుది మెరుగులు:
ఇక్కడి దాకా పోతపోసే అచ్చులుంటాయి కాబట్టీ ఒక రకం గా పని సులువే. కానీ ఇకపై ఉండేదంతా చేతితోనే చెయ్యాలి. అన్ని విగ్రహాల మీదా ఒకేరకమైన శ్రద్ధ చూపాలి. ఆహార్యం, అలంకరణ, ఆభూషణాలూ అన్నీ ముఖ్యమైనవే..!కళాకారుడి పనితనం తెలిసేది ఈ చివరి అంకంలోనే. ఒక్క మాటలో చెప్పాలంటే విగ్రహానికి ప్రాణప్రతిష్ఠ.
మరింత పెద్ద విగ్రహాలు - ఎత్తు ముప్పై అడుగుల పైమాటే..!!
క్రింద వీడియో చూడండి.
మట్టి విగ్రహాలు దొరికే స్థలాలూ, మరియు ఇతర వివరాల కోసం ఈ క్రింద చూపించిన లింకుల పై నొక్కండి.
వినాయక చవితి శుభాకాంక్షలు.
Posts
బ్లాగునిండా గణనాయకుడు మా కన్నుల పంటగా దర్శనమిస్తున్నాడు. మీకున్న అభిరుచికి తగ్గట్టు మీ మిత్రులు ఫోటోలు తేవడం చాల సంతోషం. కొన్నాళ్ళు మేము హైదరబాదులో ఉండడం...తయారవుతున్న విగ్రహాలు తెల్లగా నిండుగా ఒకే రకంగా కనపడుతూ వుండేవి.అదో దృశ్యం. మేము చూసిన ఒకే రంగు విగ్రహాలు ఇవేనా అన్నట్టు అవి రంగులు దిద్దుకునేవి. అదో అద్బుత దర్శనమయితే..తయారయ్యాక ఆయా తావులకు బయల్దేరే ముందు కొలువై ఉండే వినాయకమూర్తులు ఇంకో అద్భుత దర్శనం... అయ్యాక ఆ యా కూడళ్ళలో పూజలందుకునే సజీవమూర్తుల చూడడానికి రెండు కళ్ళూ చాలవేమోననిపించేది....ఆ తర్వాత జలాశయల్లో కలవడానికి బారులు తీరి సుశిక్షిత సైనికుల్లా వీధులవెంట ఊరేగింపు...ఆ గణపతి ఉత్సవాలు ప్రారంభంనుండి ఆఖరి రోజువరకు.కళ్ళనిండా గణపతి, మనస్సునిండా గణపతి, ఆలోచనలనిండా గణపతి....ఆ రోజులు మరల గుర్తు చేసారు....ఆ స్వామిని మరల కనులముంద నిలబెట్టారు... ధన్యోస్మి.
ReplyDelete