"సుగుణాభిరామం" సి డి ఆవిష్కరణ.

బి. వి. కె. జూనియర్ కళాశాల ప్రాంగణం లో తే.11.12.2013ది. న కళాశాల సంగీత విభాగం పూర్వ విద్యార్ధుల సమ్మేళనం తో రూపొందించబడిన "సుగుణాభిరామం" (శ్రీ వాల్మీకి మహర్షి శ్లోకములతో, శ్రీ త్యాగరాజ స్వామి  కృతులతో కూడిన శ్రీరాముని గుణ కీర్తనము) సి డి ఆవిష్కరణ సభ జరిగింది. కళాశాల సంగీత విభాగం ప్రధానాధ్యాపకురాలిగా పని చేస్తున్న శ్రీమతి నిష్ఠల కృష్ణవేణి గారి నేతృత్వంలో రూపుదిద్దుకున్నఈ సీడీ ఆవిష్కరణ  కార్యక్రమ ముఖ్య అతిథి, కళాశాల వ్యవస్థాపక ప్రధానోపాధ్యాయులు శ్రీ పిళ్ళా రామారావుగారు మరియు కార్యక్రమ విశిష్ట అతిధి,  శ్రీమతి మండ సుధారాణి (ఆకాశవాణి టాప్ గ్రేడ్ గాత్ర విద్వాంసురాలు) గారి చేతులమీదుగా జరిగింది. సభాధ్యక్షులుగా శ్రీ కె. రంగారావుగారు (కార్యదర్శి, భారతీయ విద్యా కేంద్రం), గౌరవ అతిథిగా శ్రీ డా. ఎమ్. వి. జె. ఎమ్. రాంప్రసాద్ గారు (ఎనస్థటిస్ట్, స్టీల్ ప్లాంట్ హాస్పిటల్) విచ్చేశారు / వ్యవహరించారు.శ్రీ పిళ్ళా రమణమూర్తి గారు సభను నిర్వహించారు . 

ఈ శ్రీరామ గుణకీర్తనా గానంలో పాలుపంచుకొన్నకళాకారులు:  

గాత్రం: శ్రీమతి ఆర్. కుసుమ కుమారి, శ్రీమతి ఐ. జగదంబ, శ్రీమతి డా. ఆర్. రమణి, శ్రీమతి ఎస్ వి సుబ్బలక్ష్మి, కుమారి కె. నిఖిత శ్రీవల్లి, కుమారి ఎన్. సి. సాయి సంతోషి, 

వయొలిన్: కుమారి ఎమ్. శ్రీరమ్య, వీణ: శ్రీమతి నిష్ఠల కృష్ణవేణి, మృదంగం: శ్రీ మండపాక రవి, ఘటం: శ్రీ ఎమ్ . సూర్య ప్రసాదరావు, వ్యాఖ్యానం: శ్రీ పిళ్ళా రమణమూర్తి 

రామో విగ్రహవాన్ ధర్మః. వాల్మీకి మహర్షి తన కావ్య కథా నాయకుడిలో ఉండాలనుకున్న పదహారు సుగుణాలను నారదుడికి చెప్పి అలాంటి వ్యక్తి ఎవరైనా ఉన్నారా అని అడిగితే, నారదుడు అరవైనాలుగు సుగుణాలతో మూర్తీభవించిన దశరథ నందనుడైన శ్రీరాముని గురించి వర్ణించి, ఆతని కథని సంక్షిప్త రామాయణంగా గానం చేసి వెళ్ళాడు. అలాంటి ధర్మాదర్శ మూర్తి, శ్రీరామని చరిత్రను శ్రీమద్రామాయణంగా ఆరు కాండలతో, ఇరువదినాలుగు వేల శ్లోకాలతో భారతావనికి కడు రమణీయంగా అందించారు వాల్మీకి మహర్షి. నారదుని చేతనే ప్రశంసించబడి స్వరార్ణవం అనే సంగీత గ్రంధాన్ని బహుమతి గా పొందిన శ్రీ త్యాగరాజ స్వామి తనకీర్తనలలో శ్రీ రాముని సద్గుణ సంపదను వర్ణించారు. వారి రచనలు పదహారు కీర్తనలను ఏర్చి కూర్చి శ్రీరామ గుణగానం చేసి "సుగుణాభిరామం"గా  పొందుపరచారు. 

ఆవిష్కరణ సభ ముగిసిన పిదప మృదంగ విద్వాంసులు శ్రీ మండపాక రవి బృందం చే లయవిన్యాసం కార్యక్రమం ఆహుతులను అలరించింది . శ్రీ మావుడూరి సత్యనారాయణ శర్మ గారు వయొలిన్ పైన, శ్రీ ఎమ్ . సూర్య ప్రసాదరావు గారు ఘటం పైన , గొట్టిముక్కల వెంకటేష్ మోర్సింగ్ తోనూ సహకరించారు.

పూర్తిగా చదవండి...

బాల మేధావులు

ముఖేః  ముఖేః  సరస్వతి అంటారు. సరస్వతీ కటాక్షానికి చిన్న, పెద్దా తేడా లేదు. ఇప్పుడు మనం చూడబోయే చిన్నారులు అసాధారణమైన ప్రతిభా పాటవాలను అతిచిన్న వయస్సులోనే కనబరుస్తున్నారు. పెద్దవాళ్ళు ఎంతో సాధనతో కాని చేరలేని స్థాయి ఈ చిచ్చర పిడుగులకి స్వతస్సిద్ధంగా వచ్చింది. ఈ పుట్టుకతోనే ఆయా విద్యలని ఔపోసన పట్టేసారా, లేక విద్యాధిదేవతే వీరి రూపంలో ప్రభవించిందా అనిపించేలా వుంది ఈ బాలమేధావుల ప్రతిభ! వారికి విద్యనేర్పుతున్న గురువులను సైతం విస్మయానికి గురిచేస్తూ ఆయావిద్యల్లో దినదిన ప్రవర్ధమానమౌతూ  రాణిస్తున్నారు. 

 ****

 

Name: Keith O' Dell, Pool Playing Prodigy

5 ఏళ్ళ వయసుకే ప్రొఫెషనల్స్ కి దీటుగా బిలియర్డ్స్ / పూల్ గేమ్ లో అసమాన ప్రతిభను కనబరుస్తున్నాడు.

His parents play pool, his grandparents play pool, the family even eats dinner on the pool table. His father says Keith was "born to play pool." The question is, how will his incredible talent effect the life ahead of him? 

 ****

 

Gavin George అనే ఈ కుర్రవాడికి తొమ్మిదేళ్ళు . పియానో వాయించే తీరు చూడండి ..! ఆ వేళ్ళు పియానోమీద ఎలా పరుగెడుతున్నాయో ..!! ఆ చిట్టి బుర్రలోనుంచీ అంత అద్భుతమైన సంగీతం  ఎలా జాలువారుతోందో..! సాధారణంగా పియానో వాయించే వాళ్ళు, తాము వాయించబోయే Composition యొక్క స్వర రచన ని ఎదురుగా పెట్టుకొని చూసి వాయిస్తారు. గమనిస్తే ఆ కుర్రాడికి ఎదురుగా నోటేషన్లూ, నోట్సులూ ఏమీ లేవు. ఎంత క్లిష్టమైనదైనా ఒకసారి బుర్రలోకి ఎక్కిందా, ఇక స్వర రాగ గంగా ప్రవాహమే !!

తనిష్ అబ్రహం  అనే ఎనిమిదేళ్ళ ఈ బుడతడిని గురించి నే చెప్పడమెందుకు, మీరే చూడండి..!!

వీళ్ళే కాక మరెంతో మంది బాల మేధావులని మనకు THNKR వారు పరిచయం చేస్తున్నారు. చూసి ఆనందించండి .
Videos are created and produced by @radical.media, THNKR gives you extraordinary access to the people, stories, places and thinking that will change your mind.
మరిన్ని వీడియోలు ఇక్కడ.. : http://www.youtube.com/playlist?list=PLB1860C67A2998C0B

****

అయితే మనదేశంలో మారథాన్ పరుగులో తన సత్తా చాటి తన చిన్నతనంలోనే అందరి దృష్టినీ ఆకర్షించిన పూరీకి చెందిన బుధియా మాత్రం ఇప్పుడు  చాలా సాధారణమైన జీవితం గడుపుతుండడం ఆశ్చర్యానికి గురిచేస్తుంది. చిన్నతనం లో అతడు సాధించినది సాధారణమైనది కాదు. తన నాలుగో ఏటనే 40 మైళ్ళు పరుగెత్తిన ఘనత అతని సొంతం. కానీ తరువాత కాలంలో మెల్లగా తెర మరుగైపొయాడు. అతని ప్రతిభను గుర్తించి సానబెట్టి వెలుగులోకి తెచ్చిన గురువు బిరించి దాస్ కూ కన్న తల్లి కీ మధ్య ఆర్ధిక లావాదేవీలకు సంబంధించిన గొడవలూ, రాజకీయ నాయకులూ, ప్రభుత్వ ఉద్యోగులూ, మీడియా  చేసిన హడావిడీ, పిల్లవాడి భవిష్యత్తు మీద మానవ హక్కుల సంఘాల వారి ఆందోళనల పర్యవసానంగా,  కోర్టు తీర్పుల దరిమిలా అతన్నోఅకాడమీ లో ప్రభుత్వ పర్యవేక్షణలో శిక్షణ కొనసాగేటట్లు ఏర్పాటు చేసేసి చేతులు దులిపేసుకున్నారు. తరువాత కోచ్ బిరించి దాస్ హఠాత్తుగా హత్యకు గురయ్యాడు. కారణాలు ఏమైనా ఇప్పుడతను చాలా సాదా సీదాగా మొక్కుబడి శిక్షణ తీసుకుంటున్నాడు. చిన్నప్పుడు చూపిన ప్రతిభా పాటవాల్లో లవలేశమైనా కనబరచలేక పోతున్నాడట. అతన్ని ప్రత్యేకంగా గుర్తించడమే మానేసినప్పుడు శిక్షణ మాత్రం ప్రత్యేకంగా ఉంటుందని ఆశించడం అత్యాశే అవుతుంది .

 ఏమైనా భవిష్యత్తులో భారత దేశం గర్వించగలిగే  ఒక క్రీడాకారుడు కనుమరుగైపోయాడనేది మాత్రం కఠోర సత్యం.

పూర్తిగా చదవండి...

సంగీత ప్రపంచంలోని ప్రముఖులపై స్టాంపులు, కరెన్సీ, నాణాల ప్రదర్శన

ఈ మధ్య కెనెడా దేశంలో ఒక వీధికి ప్రముఖ సంగీత దర్శకుడు రెహమాన్ పేరును పెట్టారట. వివిధ రంగాలలో నిష్ణాతులైన ప్రముఖుల గౌరవార్థం ఇలా పేర్లు పెట్టడం మామూలే.

అయితే ప్రముఖులైన కొందరు సంగీతవిద్వాంసుల పేరుమీద ప్రపంచవ్యాప్తంగా కొన్ని పోస్ట్ ఆఫీసులు ఉన్నాయని మీకు తెలుసా..! అది తెలియడమే విశేషమనుకుంటే, ఆ పోస్ట్ ఆఫీసుల నుంచి అఫీషియల్ కాన్సిలేషన్ తో పోస్టల్ లెటర్స్ , స్టాంపులు సేకరించడం ఎంత వ్యయ ప్రయాసలతో కూడిన విషయమో ఊహకందదు.
సంగీతానికి సంబంధించిన దేశవిదేశాల నాణాలు, మరియు తపాలా బిళ్ళల సేకర్త శ్రీ G. శ్రీరామారావు గారు తమ సేకరణను స్థానిక కళాభారతి ఆడిటోరియం లో ప్రదర్శనకు ఉంచారు. వారం రోజులపాటు జరిగే సంగీతోత్సవంలో భాగంగా సంగీతాభిరుచి కల్గిన ప్రేక్షకుల సందర్శనార్థమై ఏర్పాటు చేసిన ఈ ప్రదర్శన, ఉత్సవం మొదటి రోజు సంగీత కళానిధి, షేవాలియర్ శ్రీ మంగళంపల్లి బాలమురళీ కృష్ణ గారిచే ప్రారంభింపబడింది. ఆసక్తి గల వారు ఈ అరుదైన కలెక్షన్ ను మద్దిలపాలెం, కళాభారతి ఆడిటోరియంలో చూడవచ్చు.

వీరి సేకరణ లిమ్కా బుక్ ఆఫ్ రికార్డ్స్ లో మూడు విభాగాల్లో నమోదయ్యింది. వీరి సేకరణలో అత్యంత అరుదైన స్టాంపులు ( డీవీడీ, సీడీ, గ్రామఫోన్ రికార్డుల రూపంలోనూ, అలాగే చెక్క, క్రిస్టల్స్, చాక్లెట్ మొదలైన పదార్ధాలతో తయారైనవి) సంగీత వాయిద్యాల ఆకారంలో ఉన్న నాణాలు, చూడచక్కగా ఉన్నాయి.  

శ్రీ బాలమురళి గారికి, ఆయన ఫోటోతో ప్రత్యేకంగా తపాలా శాఖవారి ద్వారా చేయించిన పోస్టల్ స్టాంప్స్ బహుకరిస్తున్న శ్రీరామారావుగారు  

బాలమురళి గారి చే సమ్మానం

Honour for philatelist

The Limca Book of Records have recognized three of following collections of noted philatelist & numismatist, Cdr G.Sriramarao of Vishakhapatnam as National Record for 2014 and will be included in their book to be published on 30 June 2014. 

1. Musical Post Offices 2. Musical coins 3. Musical currency

They have recognized the three categories separately and issued 3 certificates to Cdr G. Sriramarao.

Musical Post Offices Collection of Shri Ramarao could be viewed at following links :

Musical Post Office Part I
Musical Post Office Part II

శ్రీరామారావు గారు ఇండియన్ నేవీ నుంచి రిటైర్ అయ్యరు. సంగీతాభిమాని. కర్ణాటక సంగీతంలో డిప్లొమా చేసారు. సంగీతంలో మా ఇద్దరి గురువుగారు ఒక్కరే (శ్రీ ఇంద్రగంటి వేంకట లక్ష్మణ శాస్త్రి గారు) సంగీతాని సంబంధించిన ఈ సేకరణ వారు 1993 నుంచి చేస్తున్నారు. అంటే ఇరవై ఏళ్ల శ్రమ. ఇప్పుడు వారి వయస్సు 73. వారు అనేకచోట్ల జరిగిన ఈ తరహా ప్రదర్శనల్లో బంగారు పతకాలు, అవార్డులు కూడా గెలుచుకున్నారని తెలిసి చాలా సంతోషించాను. మా పరిచయం నేను సంగీతం నేర్చుకొనే రోజుల్లో మొదలై ఈ ఇరవై ఏళ్ల  బట్టీ ఉన్నా వారివద్ద ఇంత అద్భుతమైన కలెక్షన్ ఉన్నాడని తెలియడం, అది కళ్ళారా చూడడం నిన్ననే మొదటిసారి. ఈ సోమవారం అనగా 2.12.13 తో అక్కడ జరుగుతున్నా సంగీతోత్సవం తో పాటు ఈ ప్రదర్శనకి కూడా ముగింపు. ఆ తరువాత వారిని సంప్రదించాలనుకొనే ఔత్సాహికులు ఈ క్రింది అడ్రెస్స్ లో కలవొచ్చు.  

Cdr. G Sri Ramarao,I.N,(Retd.)
D.No. 1-118-14, Plot 132
Sector 12, MVP Colony
Visakhapatnam 530017

Tel No: +91 891 2550273
Mobile  9393261333

Blog: http://sriramarao.wordpress.com

మాన్యులు  శ్రీరామారావు గారికి మనఃపూర్వక అభినందనలు. వారి ఇంటికి వెళ్లి మరిన్ని ఫోటోలు తీసుకువచ్చి మళ్ళీ మీ అందరికీ అప్లోడ్ చేస్తాను.

పూర్తిగా చదవండి...

వడ్డాది పాపయ్య గారి తొమ్మిది దుర్గలు

బ్లాగు మిత్రులందరికీ విజయ దశమి శుభాకాంక్షలు!!

 శ్రీ వడ్డాది పాపయ్య గారు వివిధ పత్రికలకు (చందమామ, స్వాతి, వేదాంత భేరి ఇత్యాది..) గీసిన దుర్గా దేవి చిత్రాలు దసరా సందర్భంగా:

సరస్వతి దేవి:

 

ఈ నవరాత్రులలో తొమ్మిది రూపాలలో కొలువుతీరే దుర్గా మాత అవతారాలను వర్ణిస్తూ మార్కండేయ విరచిత దేవీకవచమ్ లో ఈ శ్లోకంలో చెప్పబడింది:

ప్రథమం శైలపుత్రీ చ ద్వితీయం బ్రహ్మచారిణీ |
తృతీయం చంద్రఘంటేతి కూష్మాండేతి చతుర్థకమ్ ||

పంచమం స్కందమాతేతి షష్ఠం కాత్యాయనీతి చ |
సప్తమం కాలరాత్రీతి మహాగౌరీతి చాష్టమమ్ ||

నవమం సిద్ధిదాత్రీ చ నవదుర్గాః ప్రకీర్తితాః |
ఉక్తాన్యేతాని నామాని బ్రహ్మణైవ మహాత్మనా ||

 ౧.  శైలపుత్రి

౨. బ్రహ్మచారిణి

౩. చంద్ర ఘంట

౪. కూష్మాండ

౫. స్కంద మాత

౬. కాత్యాయని

౭. కాళరాత్రి

౮. మహా గౌరి

౯. సిధ్ధి ధాత్రి

శ్రీ దేవరకొండ సుబ్రహ్మణ్యం గారు వారి బ్లాగులో ఈ నవ విధ దుర్గల ప్రాశస్త్యాన్ని వివరించారు. ఆసక్తి గలవారు ఈ లింకులో చూడవచ్చు  

నవ దుర్గలు

జయ జయ వైష్ణవి దుర్గే అంబ జయ జయ కల్పిత సర్గే
జయ జయ తోషిత భర్గే అంబ జయజయ కుచ జిత దుర్గే ||
 
శ్రికర సద్గుణ జాలే అంబ సింధూర రంజిత ఫాలే
పాకశాసన మణినీలే అంబ ప్రాలేయ భూధర బాలే
 
పాలిత కిసలయ చాపే అంబ పార్వతి లోకైకదీపే
కాళిక కోమల రుపే అంబ ఖండిత త్రిభువన తాపే ||

శంకరి సత్క్రుపాపూరే అంబ సంభ్రుత సన్మణిహారే
సాంకవలిప్త శరిరే అంబ సంగతాంగ కేయూరే ||

వీణా వినోదిని గిరిజే అంబ విద్రుమ మణి సన్నిభ గిరిజే
మానిత లోక సమాజే అంబ మదన గోపాలక సహజే ||

పూర్తిగా చదవండి...

తలపాగాలు..!

ప్రపంచ వ్యాప్తంగా ప్రతి దేశంలోనూ, ప్రతి సంస్కృతిలోనూ "తలపాగా" లను  ఏదో ఒక రూపంలో చూస్తాం. ప్రతికూల వాతావరణాల నుంచీ తమను తాము కాపాడుకోవడానికి తలపాగాలను మానవుడు రాను రాను తన జీవన విధానానికి, హోదాకి చిహ్నంగా రూపొందించుకొన్నాడు. పూర్వం మహారాజులు మణుగుల కొద్దీ బరువైన రత్నఖచిత కిరీటాలను పట్టాభిషేక మహోత్సవాల లాంటి ప్రత్యేకమైన సందర్భాలకి పరిమితం చేసి సాధారణ సందర్భాలలో వారి దర్పాన్ని ఇనుమడింపజేసే నగిషీలతో తక్కువ బరువు కలిగిన వివిధ రకాల తలపాగాలనే ఉపయోగించేవారు. ఇప్పుడు వాటికి మరిన్ని వన్నె చిన్నెలు కలిసి అందానికి, హుందాతనానికి ప్రతీకలుగా ఫ్యాషన్ ప్రపంచంలోకి కూడా వచ్చి చేరాయి.

తెలుగు భాషకు తలకట్టు ఎంత  ముఖ్యమో తెలుగువాడి తలకు తలపాగా కూడా అంతే అన్నంతగా మన తెలుగు సంస్కృతిలో తలపాగకు ప్రత్యేకమైన స్థానం ఉండేది. మన పంచకట్టు ఎంతకష్టమో తలపాగా చుట్టడం  కూడా అంతే కష్టం. తలపాగా చుట్టడం ఒక కళ. అది 'టోపీ' పెట్టేసినంత సులువు కాదు. దానిననుసరించే సామెతలు కూడా పుట్టుకొచ్చాయి. తలపాగా చుట్టలేక బుర్ర వంకర అన్నాట్ట వెనకటికి ఎవడో. అలాగే కోటలో (తల)పాగా వేశాడు అంటే  దివాణం లో పనిలో కుదిరాడు అని అర్థం. అంటే కొలువులో చేరగానే అతని హోదాకి తగ్గ తలపాగా ఇచ్చి గౌరవించేవారేమో!! ఇప్పుడు ఆ సంప్రదాయం లేదు కానీ ఈ మధ్య మన రాజకీయ నేతలు మాత్రం పార్టీ మారగానే కొత్త పార్టీ కండువాలు కప్పించుకొని వాళ్ళ పాత రంగులు మారుస్తున్నారు. 

 

మన దేశం లో చూస్తే కొన్నిసంప్రదాయాల కుటుంబాలకు కొన్ని ప్రత్యేకమైన తలపాగా ఉంటుంది. రాజస్థానీలకు, పంజాబీలకు, మరాఠీ లకూ, కన్నడిగులకూ ప్రత్యేకమైన తలపాగాలు ఉన్నాయి. అయితే బాలగంగాధర తిలక్ ధరించిన ఈ తలపాగా కి "పూనే రి పగిడీ" అని పేరు. దీనికి సుమారు రెండు వందల ఏళ్ళ చరిత్ర ఉంది. ఈ పగిడీ ని 19 వ శతాబ్దం లో మొదట ప్రాచుర్యం లోకి తెచ్చింది ప్రముఖ సంఘ సంస్కర్త, శ్రీ మహదేవ్  గోవింద రెనేడే. శ్రీ పూనే రి పగిడీ సంఘ్ అనే సంస్థ చేసిన కృషి వల్ల 4 September 2009 Geographical Indication Registry వారి ద్వారా దీనికి  Geographical Indication ట్యాగ్ కూడా లభించింది. [The pagadi got the Intellectual Property Right (IPR) and selling of any turban made outside Pune, under the name of Puneri pagadi became illegal. Along with the Puneri pagadi, IPR has been previously issued to Indian products like Darjeeling tea, Banarasi saris, Tirupati ladoos, among others. సోర్స్: వికి పిడియా]

కొందరు ప్రముఖుల్ని తలపాగా లేకుండా ఊహించడం కష్టం. అలాంటి వారిలో కొందరు :

బాల గంగాధర తిలక్

సంఘ సంస్కర్త రాజా రామ్ మోహన్ రాయ్

స్వామీ వివేకానంద

అలాగే మనరాష్ట్రం లోని కొందరు ప్రముఖులు:

చిలకమర్తి లక్ష్మీనరసింహం గారు

శ్రీ కందుకూరి వీరేశలింగం

వ్యవహారిక భాషా పితామహుడు శ్రీ గిడుగు రామ్మోర్తి గారు 

శ్రీ గురజాడ అప్పారావు గారు

దివంగత రాష్ట్రపతి శ్రీ సర్వేపల్లి రాధాకృష్ణ 

కన్నడ తలపాగా లో శ్రీ పీ బీ శ్రీనివాస్ 

 అరుదుగా తలపాగా కట్టినా చూడచక్కని వాళ్ళు కొందరు .. 

ఆంధ్రుల అభిమాన నటుడు, నాయకుడు  NT రామారావు 

 అలాగే ప్రముఖులు కాని మరికొందరు:

***

***

 

***

***

(*** గుర్తు ఉన్న ఫోటోల  సౌజన్యం: turban tying expert శ్రీ మహేంద్ర సింగ్ పరిహార్ 

 http://rajwadisafa.blogspot.in/)

పూర్తిగా చదవండి...

పరబ్రహ్మరూపం గణేశం భజేమ..!

శ్రీ గణపతి స్తవః  :

ఋషిరువాచ :-
అజం నిర్వికల్పం నిరాకారమేకం నిరానందమానందమద్వైతపూర్ణమ్ |
పరం నిర్గుణం నిర్విశేషం నిరీహం పరబ్రహ్మరూపం గణేశం భజేమ ||1 ||

గుణాతీతమానం చిదానందరూపం చిదాభాసకం సర్వగం జ్ఞానగమ్యమ్ |
మునిధ్యేయమాకాశరూపం పరేశం పరబ్రహ్మరూపం గణేశం భజేమ || 2 ||

జగత్కారణం కారణజ్ఞానరూపం సురాదిం సుఖాదిం గుణేశం గణేశమ్ |
జగద్వయాపినం విశ్వవంద్యం సురేశం పరబ్రహ్మరూపం గణేశం భజేమ || 3 ||

రజోయోగతో బ్రహ్మరూపం శ్రుతిజ్ఞం సదా కార్యసక్తం హృదాచిన్త్యరూపమ్ |
జగత్కారణం సర్వవిద్యానిదానం పరబ్రహ్మరూపం గణేశం భజేమ  || 4 ||

సదా సత్యయోగ్యం ముదా క్రీడమానం సురారీన్హరంతం జగత్పాలయంతమ్ |
అనేకావతారం నిజజ్ఞానహారం సదా విశ్వరూపం గణేశం నమామః || 5 ||

తమోయోగినం రుద్రరూపం త్రినేత్రం జగద్ధారకం తారకం జ్ఞానహేతుమ్ |
అనేకాగమైః స్వం జనం బోధయంతం సదా సర్వరూపం గణేశం నమామః || 6 ||

తమస్స్తోమహారం జనాజ్ఞానహారం త్రయీవేదసారం పరబ్రహ్మసారమ్ |
మునిజ్ఞానకారం విదూరే వికారం సదా బ్రహ్మరూపం గణేశం నమామః || 7 ||

నిజైరోషధీస్తర్పయంతం కరాద్యైః సురౌఘాంకలాభిః సుధాస్రావిణీభిః |
దినేశాంశుసంతాపహారం ద్విజేశం శశాంకస్వరూపం గణేశం నమామః || 8 ||

ప్రకాశస్వరూపం నభో వాయురూపం వికారాదిహేతుం కలాధారరూపమ్ |
అనేకక్రియానేకశక్తిస్వరూపం సదా శక్తిరూపం గణేశం నమామః || 9 ||

ప్రధానస్వరూపం మహత్తత్వరూపం ధరాచారిరూపం దిగీశాదిరూపమ్ |
అసత్సత్స్వరూపం జగద్ధేతురూపం సదా విశ్వరూపం గణేశం నతాః స్మః || 10 ||

త్వదీయే మనః స్థాపయేదంఘ్రియుగ్మే జనో విఘ్నసంఘాతపీడాం లభేత |
లసత్సూర్యబింబే విశాలే స్థితోయం జనో ధ్వాంతపీడాం కథం వా లభేత || 11 ||

వయం భ్రామితాః సర్వథాజ్ఞానయోగాదలబ్ధాస్తవాంఘ్రిం బహూన్వర్షపూగాన్ |
ఇదానీమవాప్తాస్తవైవ ప్రసాదాత్ప్రపన్నాన్సదా పాహి విశ్వంభరాద్య || 12 ||

ఏవం స్తుతో గణేశస్తు సంతుష్టో భూన్మహామునే |
కృపయా పరయోపేతోభిధాతు ముపచక్రమే || 13 ||
 స్వస్తి శ్రీ ఋషి కృతో గణపతి స్తవ స్సంపూర్ణమ్ ॥

***********************************************

పై ప్లేయర్ లో వినబడక పొతే దాని క్రింద ఇచ్చిన "స్కై డ్రైవ్" లింక్ నుండి డౌన్లోడ్ చేసుకోగలరు .

చిత్రకారుడు : శ్రీ కూచి సాయి శంకర్

పూర్తిగా చదవండి...

మట్టి వినాయక ప్రతిమ

బ్లాగు మిత్రులందరికీ వినాయక చవితి శుభాకాంక్షలు. 

పోయిన ఆదివారం మా ఇంట్లో నేను, మా పిల్లలూ, వాళ్ళ ఫ్రెండ్స్ కలసి మట్టి వినాయకుడిని చెయ్యడం కోసం ఇలా ఒక వర్క్ షాప్ ని విజయవంతంగా నిర్వహించుకున్నాం. మా పిల్లలు కృష్ణప్రియ, కృష్ణ ప్రీతమ్ వాళ్ళ స్నేహితులు భవ్య, భార్గవ్ లతో కలసి ఈ కార్యక్రమంలో పాలుపంచుకున్నారు. (భవ్య వాళ్ళ అమ్మ శ్రీమతి ఇందిర గారు నాకు కాలేజీ లో క్లాస్మేట్) వీళ్ళంతా మా శ్రీమతి వద్ద సంగీతం నేర్చుకుంటున్నారు. భవ్య, కృష్ణప్రియ తమ సహాధ్యాయులతో కలసి చిన్న చిన్న ప్రోగ్రాములలో కూడా పాడారు.

 మట్టి గణపతిని తయారు చెయ్యడానికి సూచనలిస్తూ  నేనే..!!

నేను, నా శిష్య బృందం.. మట్టి వినాయకుడి రూపకల్పనలో..!

మా అమ్మాయి కృష్ణప్రియ

మా అబ్బాయి కృష్ణ ప్రీతమ్ , వెనుక ఉన్నది వాడి ఫ్రెండ్ భార్గవ్ 

విఘ్నేశ్వరుడి తయారీలో మొదటి అంకం

భార్గవ్ వాళ్ళ అక్క..! పేరు భవ్య..

ప్రతి ఫోటో క్రింద ఆ బొమ్మ తయారు చేసిన వారి పేరు చూడండి.

కృష్ణప్రియ

 కృష్ణ ప్రీతమ్ ( దీనికి రంగులేసింది నేను..!)

ప్రీతమ్ , భార్గవ్, భవ్య

తయారు చేసినది భార్గవ్, కుంచె తో రంగులద్దింది  వాళ్ళ అమ్మ శ్రీమతి ఇందిర గారు

భవ్య

ఇది నేను గీసినదే..! బ్లాక్ బోర్డ్ పైన సుద్దముక్కతో ..!!

  

ఇదివరకు వినాయకచవితి సందర్భంగా వ్రాసినవి :

యువ లో అచ్చయిన వపా గారి వినాయకుడి బొమ్మలు మరికొన్ని...!!

కాలుష్య కారక గణపతి ఉత్సవ మండళ్ళు..!!

మంటపాలలో కొలువుతీరడానికి సిద్ధంగా ఉన్నగణపతులు..!!

మేము చేసిన మట్టి వినాయక ప్రతిమ..!!

వడ్డాది పాపయ్య గారి వినాయకుడు...

 

 

పూర్తిగా చదవండి...