వడ్డాది పాపయ్య గారి రాగ కన్యకలు..! రాగాలకు వపా గారు చిత్రించిన స్త్రీ మూర్తులు..!!

               వడ్డాది పాపయ్యగారి కుంచె నుండి జాలువారిన రాగ కన్యకలు..! కర్నాటక హిందూస్తానీలో పేరొందిన కొన్ని రాగాలను తీసుకొని ఆయా రాగాలకు వపా గారు చిత్రించిన ఈ స్త్రీ మూర్తులు యువ మాసపత్రికలో 1980 - 81 లో ప్రచురిత మయ్యాయి..!! ఇంకొన్ని కూడా గీసారేమో తెలియాల్సి వుంది.  ఇప్పటివరకు లభ్యమవుతున్న వారి పెయింటింగ్స్ లో రాగాల పేర్లతో ఉన్న ఈ క్రింది బొమ్మలు అన్నీ మన బ్లాగు మిత్రుల సౌకర్యార్థం ఒక దగ్గర ఉంచాను. యువ లో వారి పెయింటింగ్స్ కొన్ని ప్రత్యేకమైన శీర్షికలతో వచ్చాయి. కొన్ని నక్షత్రాలకు కూడా వారి చిత్రణలో, రూపమిచ్చారు. 

              అయితే వపా గారు రాగాల పేర్లతో చిత్రించిన ఈ చిత్రాలు  చూస్తే వాటి పేరుని బట్టీ, దానికి సరిపోయే సన్నివేశాన్ని చిత్రించినట్టు కనిపిస్తోంది. జన రంజని - జనాన్ని రంజింపజేసేది (సినిమా తారలా అనిపిస్తోందినాకు.. అక్కడ చూపించిన జనం సినిమా హాలులో కూర్చున్నట్టుంది), కదన కుతూహలం - యుద్ధానికి తరలుతున్న సైనికుడు తన ప్రియురాలికి వీడ్కోలు పలికే సన్నివేశం. భాగేశ్వరి రాగానికి శివుడి అర్థనారీశ్వర రూపాన్ని చిత్రించిన తీరు చూడండి. అలాగే శివరంజని, అమీర్ కల్యాణి...!!

             క్రొత్తగా సంగీతం నేర్చుకొనే వారు మొట్టమొదట అభ్యాసం చేసే సరళీ స్వరాలూ, జంటస్వరాలూ, అలంకారాలూ వంటివి మాయామాళవ గౌళ రాగం లోనే వుంటాయి. అందుకే ప్రథమ పూజలందుకొనే గణపతికి కైమోడ్పులిస్తున్నచిన్నారిని (ఎదురుగా చిన్న పియానో / హార్మోనియం తో సహా) చిత్రించినట్టున్నారు.  

            యమునా కళ్యాణికి - యమునాతీరంలో గోపికలూ, ఆలమందలూ, రాధ తో విహరిస్తున్న కృష్ణుడిని చిత్రించారు. అలాగే శ్రీ రాగానికి లక్ష్మీదేవి విష్ణువుని వరించే సన్నివేశాన్నిచిత్రించారు. (శ్రీ - అంటే లక్ష్మి కదా..!) సన్నివేశాన్ని జాగ్రత్తగా చూస్తే క్షీరసాగర మథనం లో ఉద్భవించిన లక్ష్మీ దేవి, ఆసనం గా పద్మం, ఉరకలెత్తుతున్న సముద్రం, అప్పుడే పాల సముద్రం లోంచీ పుట్టిన చంద్రుడు కనిపిస్తారు.  

                    'కీరవాణి' రాగానికి రతీ మన్మధులని గీస్తూ emphasis వాహనమైన చిలకకి ఇచ్చారు. అలాగే 'సారంగ' రాగానికి గీసిన బొమ్మలో జింక బొమ్మ ప్రాముఖ్యత అర్థం కాలేదు. అలాగే మిగిలిన రాగాల పేర్లకీ ఈ చిత్రాలకీ వున్నసంబంధాన్ని తెలిసిన వారెవరైనా ఇంకాస్త వివరిస్తారని ఆశిస్తున్నాను.  

కన్నడ - శహన

బేహాగ్ - మలయ మారుతం

జన రంజని

శ్రీరంజని

మేఘ రంజని

రంజని

కీరవాణి

సారంగ

ముఖారి

భాగేశ్వరి

కదనకుతూహలం

శివరంజని - హిందోళ

సోహిని - మేఘరంజని - మాల్కోస్

కాంభోజి - కాపి

జయజయవంతి - అహిర్ భైరవి

మేఘ మల్హార్

చారుకేశి

కేదార గౌళ 

మాయామాళవగౌళ 

యమునా కల్యాణి 

యమునా కల్యాణి

అమీర్ కల్యాణి

శ్రీ రాగం

మాల్కోస్

************************************

వపా గారి నక్షత్ర బాలలు మరో పోస్టులో..!! 

పై ఫోటోలు హైదరాబాద్ కు చెందిన శ్రీ శ్యాం నారాయణ్ గారి సౌజన్యంతో...! వారికి నా మనఃపూర్వక ధన్యవాదాలు.

పూర్తిగా చదవండి...

స్మృతిపథంలో అమరగాయకుడు ఘంటసాల - విశేష సంచిక

స్మృతిపథం లో అమరగాయకుడు ఘంటసాల - విశేష సంచిక పేరుతో విడుదలైన ఈ పుస్తకం ఘంటసాల వారి స్మృత్యర్ధం విజయనగరంలోని వారి అభిమానుల చేత ముద్రించబడింది. సాంబశివరావు గారి సంపాదకత్వంలోఅచ్చయిన ఈ పుస్తకం ఇదివరకు ఘంటసాల వారి సంస్మరణలో వివిధ పత్రికల లో వచ్చిన వ్యాసాలూ, ఘంటసాల గురించి ప్రముఖుల అభిప్రాయాలూ మొదలైనవి గుదిగ్రుచ్చబడిన పదహారు పేజీల చిన్ని పుస్తకం. అమూల్యమైన ఈ పుస్తకం వెల  రూ. 10/-.  

ఈ పుస్తకం నాకు మా బంధువుల ద్వారా వచ్చింది. చాలా పత్రికలనుంచీ సేకరించిన ఈ వ్యాసాలు జే. వి. రాఘవులు, ఆచార్య ఆత్రేయ, కొడవటిగంటి రోహిణీ ప్రసాద్ మొదలైన వారు వ్రాసారు. విజయ చిత్ర, ఆంధ్ర ప్రభ మొదలైన పత్రికలలో ఘంటసాల వారి జీవితవిశేషాలతో వచ్చిన వ్యాసాలూ కూడా వున్నాయి. అన్నిటికంటే ఘంటసాల వారే తమ గురువుగారైన శ్రీ పట్రాయని సీతారామ శాస్త్రి గారి గురించి వ్రాసిన వ్యాసం కూడా పొందుపరచ  బడింది..! ఇన్నిటిని ఒకే చోట కూర్చిన సంపాదకుల శ్రమకు జోహార్లు. అయితే ఈ పుస్తకం మీద అది విడుదలైన తేదీ, ముద్రించబడిన సందర్భం కూడా ఉండి వుంటే ఇంకా బాగుండేది.  

 

 

 

 

 

ఇవి 'స్మృతిపథం లో అమరగాయకుడు ఘంటసాల - విశేష సంచిక' లోని కొన్ని పేజీలు మాత్రమే..!!   

మొత్తం పుస్తకం (16 పేజీలు )పీడీఎఫ్ రూపంలో డౌన్లోడ్ చేసుకోవడానికి ఈ క్రింది లింక్ నొక్కండి. 

స్మృతిపథం లో అమరగాయకుడు ఘంటసాల - విశేష సంచిక

*************

( శ్రీ రాజేంద్ర కుమార్ గారు ఈ ఫైల్ డౌన్లోడ్ అవటం లేదని అన్నారు. పై లింక్ నొక్కితే కనబడే పేజి లో ఈ క్రింది మెసేజ్ కనిపించిన చోట here మీద నొక్కండి. 

Sorry, we are unable to retrieve the document for viewing because it is too large.

You can also try to download the original document by clicking here. 

అప్పుడు డైరెక్ట్ గా డౌన్లోడ్ అవుతుంది. ) 

*************

 అలాగే ఘంటసాల గారి అరుదైన చిత్రాలు డౌన్లోడ్ చేసుకోడానికి ఈ లింక్ నొక్కండి.

ఘంటసాల గారి అరుదైన చిత్రాలు..

పూర్తిగా చదవండి...

ఆండ్రాయిడ్ మొబైల్ ఫోన్లో తెలుగు టైపింగ్ చెయ్యడం ఎలా??

ఫోన్స్ లో ఈ మధ్య స్మార్ట్ ఫోన్స్, టచ్ ఫోన్స్ చాలా విరివిగా వాడుతున్నారు. ఇంటర్నెట్ కూడా ఫోన్లలో అందుబాటులో ఉండడంతో  మనం eeమనం  ప్రత్యేకించి ఫోన్ మీద తెలుగు ఫాంట్ చూడాలనుకొనే వారు ఆ సదుపాయాన్ని తమ ఫోన్లు లేదా టాబ్లెట్ లు కొన్ని సెట్టింగ్స్ మార్చడం ద్వారా పొందవచ్చు. ఇంతకు ముందు ఇదే బ్లాగులో ఆండ్రాయిడ్ ఫోనులో తెలుగు స్క్రిప్ట్ చూడడం ఎలాగో తెలుసుకున్నాం. ఇప్పుడు మీ ఆ మొబైల్ ఫోన్ లేదా టాబ్లెట్ లో తెలుగు టైపు చెయ్యడం ఎలాగో తెలుసుకుందాం.

నేను వాడుతున్న Xperia x10i (Sony Ericsson)

సింపుల్ గా ఈ స్టెప్స్ ఫాలో అవ్వండి.

1. Download multiLing keyboard app and myAlpha app from the  Android Market.
2. Now open multiLing keyboard app. You will see options page.
3. Now click on 1(enable MultiLing) and tick the box against multiling keyboard.
4. Now click on 2(swich to IME to multiLing) again click on multiling key board)
5. Now click on 4 (enable languages). scroll down untill you see telugu, and then click on that. plese note that you have to install MyAlpha by now. లేకపొతే ఆ భాషలన్నీ ఉత్తి డబ్బాలు గా కనబడతాయి.

6. come back to the main menu.                           

7. now open myalpha to type anything in telugu.    

అంతే ...!!! myAlpha app లోనే ఆప్షన్ లో చూస్తే మీరు టైపు చేసిన దాన్ని ఏం చెయ్యాలన్నా(ఈ-మెయిల్ గానీ, కాపీ, పేస్ట్ లాంటివి గానీ) చెయ్యొచ్చు.

నల్లమోతు శ్రీధర్ సాంకేతికాలు బ్లాగులో ఈ వివరాలు వున్నాయి. శ్రీధర్ గారు  దానిలో వీడియో ట్యుటోరియల్ ఉంచారు. దాని లింక్ సేవ్ చెయ్యడం మర్చిపోయాను. కానీ నా మొబైల్ లోనూ టాబ్లెట్ లోనూ ఆ సెట్టింగ్స్ మార్చుకొన్నాను. నాకు గుర్తున్నంత వరకూ ఏం చెయ్యాలో స్టెప్స్ రూపం లో వ్రాసాను.
 నల్లమోతు శ్రీధర్ గారికి మనందరి తరఫునా ధన్యవాదాలు చెబుతూ,
సెలవు.

షరా: ఎవరికైనా ఈ విషయం లో డౌట్ లు ఏమైనా వుంటే అడగడానికి మొహమాట పడకండి. ఆండ్రాయిడ్ ఫోనుల వరకే మీ ప్రశ్నలు పరిమితం చెయ్యమని మనవి.  
ఈ విషయమే కాక కంప్యుటర్లకి సంబంధించిన మరిన్ని వివరాల కోసం నల్లమోతు శ్రీధర్ సాంకేతికాలు బ్లాగు చూడండి.

పూర్తిగా చదవండి...

కొందరు ఔత్సాహిక విద్యార్ధులు నిర్మించిన లఘుచిత్రం లోని పాటలు..

 విశాఖపట్నంలోని గీతం యూనివర్సిటీ లో ఇంజినీరింగ్ చదువుతున్న కొందరు ఔత్సాహిక విద్యార్ధులు నిర్మించిన లఘుచిత్రం లోని పాటలు ఈ క్రింది ప్లే బటన్ నొక్కి వినండి. విన్నాక మీ అభిప్రాయం చెప్పడం మర్చిపోకండి..!

పాట పాడింది మా కజిన్ కిరణ్. పాట ట్యూన్ చేసింది కూడా తనే..!! 

అయితే బ్యాక్ గ్రౌండ్ మ్యూజిక్ ఎవరిచేతో చేయించారట. 

'తీరం' అనే పేరుతో తీయబడిన ఆ లఘుచిత్రం చూడదలిస్తే ఈ క్రింద చూడొచ్చు. దాని నిడివి సుమారు 30  నిమిషాలు. 

(పాటల ఆడియో లింకులు మరియు వీడియో 'తీరం' టీం సౌజన్యంతో...)  

పూర్తిగా చదవండి...

శ్రీ ఆర్ శంకర్ వ్రాసిన కవిత : స్నేహం

మా అన్నయ్య శ్రీ ఆర్ శంకర్ వ్రాసిన కవిత : స్నేహం

(సవరణలు, సూచనలకు  ఆహ్వానం)

కుల మతాలకతీతమై 

మనసులలో మమేకమై

మాధుర్య సుగంధాలను

విరాజిల్లే పరిమళ పుష్పం స్నేహం

బంధాలను బంధుత్వాలను

చిన్నా పెద్ద తారతమ్యాలను

అధిగమించిన మానవుని

మానస పుత్రిక స్నేహం

నా అన్నవారు లేని సమయాన 

నేనున్నానన్న భరోసా ఇచ్చి

దాపరికాలకు తావులేదని చాటిన

అభయ హస్తం స్నేహం

హద్దులు ఎల్లలు ఎరుగని స్నేహం

విశ్వశాంతికి జనియించిన ఏకైక మూలకం

ఆదీ అంతం లేని శ్వేత వర్ణ కుసుమం

హృదయాంతర క్షేత్రం లో విరబూసిన ఆమని స్నేహం

కాలం కొలవలేని ఎన్నో వసంతాలను చూసి

భవిష్యత్తులో మరెన్నో వసంతాలను వీక్షించే

చక్కటి అనుభూతి స్నేహం..

అపార్ధాలూ అపోహలూ

తాత్కాలికమే అని హితవు పలికి

ఆచంద్ర తారార్కం నిలిచేది స్నేహం..

పై కవితకి కి నేను చేసిన సవరణలు..

కుల మతాలకే అతీతమై

మనసులతో మమేకమై

సుగంధ మధురిమల్ని పంచే

పరిమళ పుష్పం స్నేహం..

బంధాలూ బంధుత్వాలన్నీ

చిన్నా పెద్దా తేడాలన్నీ

అధిగమించిన మానవుడా

నీ మానస పుత్రిక స్నేహం

నాఅన్నవారే టోకరా ఇస్తే

నేనున్నానని భరోసా ఇచ్చి

దాపరికాలే వద్దని చాటే

అభయ హస్తం స్నేహం..

హద్దులు ఎల్లలు ఎరుగని స్నేహం

విశ్వశాంతి కేకైక మూలకం

ఇక్కడినుంచీ నాకు సవరణలు తట్టలేదు. అందుకే యధా తథంగా ఉంచేశాను.

ఆదీ అంతం లేని శ్వేత వర్ణ కుసుమం

హృదయాంతర క్షేత్రం లో విరబూసిన ఆమని స్నేహం

కాలం కొలవలేని ఎన్నో వసంతాలను చూసి

భవిష్యత్తులో మరెన్నో వసంతాలను వీక్షించే

చక్కటి అనుభూతి స్నేహం..

అపార్ధాలూ అపోహలూ

తాత్కాలికమే అని హితవు పలికి

ఆచంద్ర తారార్కం నిలిచేది స్నేహం..

మిత్రులెవరైనా ఇంకేమైనా సలహాలూ సూచనలూ ఇవ్వదలిస్తే వారికి మనఃపూర్వకంగా స్వాగతం పలుకుతున్నాం.  

పూర్తిగా చదవండి...

కొన్ని ప్రసిద్ధ శివాలయాల ఈ-దర్శనం

బ్లాగు మిత్రులందరికీ మహాశివరాత్రి పర్వదిన శుభాకాంక్షలు. 
***************************************************

(మీరేప్పుడైనా రామేశ్వరం లోని రామనాధేశ్వర స్వామి ఆలయం చూసారా..?? తిరువణ్నామలై లోని అరుణాచలేశ్వర స్వామి కోవెల..?? బోల్డు తంటాలు పడి వెళ్ళినా మన గైడు పెట్టే హడావిడి వల్లనో, దృష్టి పిల్లలమీద వుండడం వల్లనో, ఏదో చూసామనే తప్ప ఆ శిల్పకళని తనివితీరా చూడలేం. కొన్నిచోట్ల క్యు లైన్ల కోసమో, శిల్పాలు ముట్టుకొంటే పాడైపోతాయనే భావనతో బారికేడ్లు కట్టడం వల్ల దగ్గరగా వెళ్లి చూడలేం. ఇవన్నీ మన కళ్ళ ముందు మన కంప్యూటర్ లో దర్శన మిస్తే..!! మనం ఏ డిటైల్ కావలిస్తే దానిని జూమ్ చేసి చూసుకో గలిగితే..!! అద్భుతంగా వుంటుంది కదూ..!!
View360, చెన్నై వారు మనకి ఆ అవకాశాన్ని కలిగిస్తున్నారు. తంజావూరు లోని బృహదీశ్వరాలయం లో నిలబడి మనం తలతిప్పి కుడి, ఎడమలకూ, ముందూ వెనుకలకూ, అలాగే తల ఎత్తి పైకీ, మన కాళ్ళదగ్గర నేలనూ కూడా చూడగలం. తమిళనాడులోని ప్రసిద్ధ దేవాలయాలూ, చర్చిలూ, కోటలూ, రాజభవంతులూ, అభయారణ్యాలూ జలపాతాలూ మొదలైనవి 360 డిగ్రీలు చూడగలిగేలా రూపొందించారు. క్రింది జాబితాలో జాబితాలో ఏది చూద్డామనుకున్తున్నారో ఆ లింక్ ని క్లిక్ చెయ్యండి. వెంటనే ఆ దేవాలయం యొక్క 360 డిగ్రీ దృశ్యం కనబడుతుంది. ఇక ఫుల్ స్క్రీన్ చేసుకొని మౌస్ క్లిక్ చేసి అటూ ఇటూ తిప్పి మీకు కావలసిన దాన్ని జూమ్ చేసుకొని చూసుకోవడమే. ఎర్రటి బాణం గుర్తు మిమ్మల్ని ముందరకు తీసుకుపోతుంది. ఎడమ ప్రక్క మాప్ కూడా వుంటుంది. నావిగేట్ చేస్తూ పోవడమే..!!)

మహాశివరాత్రి సందర్భంగా కొన్ని ప్రసిద్ధ శివాలయాల ఈ-దర్శనం చేసుకుందాం రండి.

రామనాధేశ్వర  స్వామి ఆలయం, రామేశ్వరం   (ఈ లింక్ నొక్కండి)

 

  బృహదీశ్వరాలయం-గంగైకొండ చోళపురం  (ఈ లింక్ నొక్కండి) 
 

బృహదీశ్వరాలయం-తంజావూరు  (ఈ లింక్ నొక్కండి) 


తిరువణ్నామలై లోని అరుణాచలేశ్వర స్వామి కోవెల  (ఈ లింక్ నొక్కండి) 

 కుంభకోణం నుంచీ మూడు కి.మీ. దూరం లోని ఐరావతేశ్వరాలయం, ధారశురం  (ఈ లింక్ నొక్కండి) 



  విజయనగరంలో కొలువుతీరి వున్నశ్రీ పశుపతినాధేశ్వర స్వామి ఆలయ విశేషాలను, ఫొటోలనూ ఈ లింక్ నొక్కి చూడండి.

శ్రీ పశుపతినాధేశ్వర దర్శనం  (ఈ లింక్ నొక్కండి) 

తమిళ నాడులో ఉన్నమరికొన్ని దేవాలయాలూ, దర్శనీయ స్థలాలూ ఈ క్రింది లింక్ నొక్కి చూడండి.
http://view360.in/portfolio.html

ఇదివరకు నా బ్లాగ్ లో ఇదే విషయం పైన వ్రాసిన పోస్టు :
తమిళనాడు దర్శన్..(ఖర్చు, శ్రమ లేకుండా) view360 .com వారి సౌజన్యం తో
 
నమః పార్వతీ పతయే హర హర మహాదేవ శంభో శంకర

పూర్తిగా చదవండి...

కార్టూనిస్టు కేశవ్ గారు గీసిన కారికేచర్స్ (గుర్తు పట్టండి చూద్దాం)

సాధారణంగా మనం రోజూ పేపర్లలో రాజకీయ నాయకుల కారికేచర్లు చూస్తూ ఉంటాం. వారి నడకనో, ఆహార్యాన్నో, శరీర నిర్మాణంలో ప్రస్ఫుటం గా కనిపించే అంశాన్నో తీసుకొని కార్టూన్లూ, కారికేచర్లు గీస్తూ ఉంటారు. ఇది నిజంగా అద్భుతమైన కళ. అతితక్కువ గీతలతో పైన చెప్పిన అంశాలు ప్రతిబింబించేలా బొమ్మ గీయడం, అది చూడగానే ఆ వ్యక్తి గుర్తుకొచ్చేలా చేయడం పైకి కనిపించేటంత సరళం కాదు. ఎంతో సాధన చేస్తేనే గానీ ఈ రంగం లో గుర్తింపు రావటం చాలా కష్టం. 

శ్రీ కేశవ్ గారు ప్రముఖ జాతీయ దిన పత్రిక ది హిందూ లో కార్టూనిస్టుగా అందరికీ చిరపరిచితులే. ఈరోజు వారి బ్లాగు కంటపడింది. ఈ బ్లాగులో వారు రోజూ గీస్తున్న కార్టూన్లే కాక ప్రముఖ సంగీత విద్వాంసుల కారికేచర్స్ గీసి వాటిని ఇంకొక బ్లాగులో విడిగా పెట్టారు. ఈ రకంగా సంగీత విద్వాంసులను కారికేచర్స్ రూపం లో గీయడం ఒక సాహసమనే చెప్పాలి. బహుశా ఇలా గీసినది, (పైగా ఇంతమందిని) శ్రీ కేశవ్ గారు ఒక్కరే అయివుంటారు. వీటిలో ఎక్కువ మట్టుకు ఆయా విద్వాంసులు కచ్చేరీ చేస్తూ వుండగా గీసినవే నట.

ఏ ఆర్ రహమాన్ 

పైన ఉన్న పన్నెండు మంది వ్యంగ్య చిత్రాలు చాలా ప్రముఖులైన సంగీత విద్వాంసులవి. శాస్త్రీయ సంగీతం తో అంతో ఇంతో పరిచయం ఉన్నవారికి ఇవి చూడగానే ఇట్టే తెలిసిపోతాయి.  మీరు గుర్తుపట్టిన వారి పేర్లను కామెంట్లలో వ్రాయండి. తెలియక పొతే నేనెలాగూ చెబుతాను. ఇప్పుడే కాదు. రెండు రోజులాగి...!! ఆగలేని వారి కోసం ఈ క్రింద శ్రీ కేశవ్ గారి బ్లాగు లింక్ ఉంచాను. దానిలో సుమారు డెబ్భై మంది విద్వాంసుల మీద శ్రీ కేశవ్ గారు పెన్ను చేసుకున్నారు. ఆ విద్వాంసుల కనుముక్కు తీరే కాక వారి కట్టు, బొట్టు, పాడుతున్నప్పుడు వారి హావ భావాలు మొదలైనవి చాలా బాగా చిత్రించారు. చూసి ఆనందించండి.

keshavcaricatures

ఇంకో విషయం..!! మీరు ఈ పన్నెండు మందిలో 100 %  కరెక్టు గా చెపితే మీరు కర్ణాటక సంగీతంతో సహవాసం చేస్తున్నారన్నమాట. ఆరుగురి కన్నా ఎక్కువ అయితే పర్వాలేదన్నమాట. కొంచం శ్రద్ధగా చూస్తే గుర్తుకు రావచ్చు.
ఇద్దరి కన్నా తక్కువ చెప్పారనుకోండి.., మీకింకేమీ  చెప్పవలసింది లేదు... వారి బ్లాగ్ చూడమనడం తప్ప..!!

క్రింద శ్రీ కేశవ్ గారి బ్లాగులు మరిన్ని..!!

• keshav illustrations
• youngartist
• mitra
• silpi
• keshavcartoon
• kamadenu 
• Laughing Pen

వారికి మనందరి తరఫునా శుభాభినందనలు.

పూర్తిగా చదవండి...

ఈ మధ్య నేను చదివిన / చదువుతున్న పుస్తకాలు..

నా పుస్తకాల అలమర 

ఈ మధ్య నేను చదివిన / చదువుతున్న పుస్తకాలు : 

చదవటం పూర్తిచేసినవి :

1. పండిత పరమేశ్వర శాస్త్రి గారి వీలునామా - గోపీచంద్
2. క్లియోపాత్రా - ధనికొండ హనుమంతరావు
3. పర్వ - ఎస్ ఎల్ భైరప్పగారి కన్నడ పుస్తకానికి అనువాదం
4. వేయిపడగలు - విశ్వనాథ సత్యనారాయణ
5. కౌంట్ అఫ్ మాంట్ క్రిస్టో - అనువాదం: సూరంపూడి సీతారాం 
6. బెంగుళూరు నాగరత్నమ్మ జీవిత చరిత్ర - శ్రీరాం వి.
7. ముక్కోతి కొమ్మచ్చి (ఒకటి, రెండు భాగాలు కూడా చదివేసాను) - ముళ్ళపూడి వెంకట రమణ
8. The Alchemist - Paulo Coelho
9. పరుసవేది - పై పుస్తకానికి తెలుగు అనువాదం
10. హంస గీతం : చారిత్రక నవల - వివిన మూర్తి 

చదవటం మొదలుపెట్టి కొనసాగుతూ వున్నవి :

1. భగవాన్ శ్రీ రమణ మహర్షి - చిక్కాల కృష్ణారావు
2. శ్రీపాద రామాయణం - శ్రీపాద సుబ్రహ్మణ్య శాస్త్రి
3. అనుభవాలూ - జ్ఞాపకాలూనూ - శ్రీపాద సుబ్రహ్మణ్య శాస్త్రి
4. వంశీకి నచ్చిన కథలు - వంశీ
5. వంశీ వెండితెర నవలలు : శంకరాభరణం, సీతాకోక చిలక, అన్వేషణ, శుభోయం కలిపి మొత్తం నాలుగు
6. 
   
7. మహోన్నత మానవుడు - రాహుల్ సాంకృత్యాయన్
8. Swamy and Friends - R K నారాయణ్
9. Malgudi Days - R K నారాయణ్
10. విష్ణు శర్మ ఇంగ్లీషు చదువు - విశ్వనాథ సత్యనారాయణ
11. మా పసలపూడి కథలు - వంశీ    

కొని, చదవడం ఇంకా మొదలుపెట్టనివి :

1. హంపి నుంచీ హరప్పా దాకా - తిరుమల రామచంద్ర
2. కృష్ణవేణి - రంగనాయకమ్మ
3. ఓల్గా నుంచీ గంగకు - రాహుల్ సాంకృత్యాయన్
4. లోపలి మనిషి - పి వి నరసింహారావు
5. టంగుటూరి ప్రకాశం : స్వీయ చరిత్ర
6. భారతీయ తత్వ శాస్త్రం : 4 భాగాలు - డాక్టర్ సర్వేపల్లి రాధాకృష్ణ 
7. ఆంధ్ర మహా సావిత్రి - శ్రీ అరవింద మహర్షి : అనువాదం శ్రీ శార్వరి 
8. మొట్టమొదటి కన్యాశుల్కం - బం.గో.రె (ఇది 'కన్యాశుల్కం' నాటకం మాత్రమే కాదు. దానిలో ఉన్న జాతీయాలు, మాండలీకాలు, పద ప్రయోగాలను గురించిన వివరణలతో ఉన్న Collectors Edition)
9. కాళీ పట్నం రామారావు రచనలు
10. దేవదాసు, పల్లీయులు, షావుకారు : శరత్ నవలలు    

పూర్తిగా చదవండి...

వివేకానందుని పై కవిత : : రచన ఆర్. శంకర్

ఇది మా అన్నయ్య శ్రీ రుద్రావఝల శంకర్ స్వామి వివేకానందుని పై వ్రాసిన కవిత

నూట యాభయ్యవ జయంతి సందర్భం గా స్థానికం గా వచ్చే విజయభాను పత్రిక లో ముద్రించబడింది.

పూర్తిగా చదవండి...